Sarkaal sare oo ka tirsan milateriga Mareykanka ayaa sheegay in ay sii wadi doonaan duqeymaha diyaaradeed ee ka wadaan dalka Afghanistan oo dhawaan ay kala baxeen ciidamadooda.
Mareykanka ayaa xusay in taalibaan ay kordhiyeen todobaadyaddii la soo dhaafay weerarada ay ka gaystaan gudaha wadanka Afghanistan iyagoo la wareegay degmooyin badan.
Related posts
Madaxweynaha Mareykanka joe biden ayaa hore u balan qaaday in ciidamadiisa uu ugu dambeyn ka saarayo AfghanistanΒ bisha September ee sannadkan.
General Kenneth Mckenzie oo shir jaraa,id ku qabtay magaalada Kabul ayaa sheegay in ay taageero wax ku ool ah siin doonaan ciidamada Afghanistan si looga adkaado ururka taalibaan
Waxaana uu intaasi ku daray in ay kordhin doonaan duqeymaha diyaaradeed ilaa ay ka soo afjarayaan ka bixitaankooda wadankaasi oo ay ku sugnaayeen muddo 20 sanno ah
Taalibaan ayaa guulo ka gaaray weeraro ay Afghanistan Β ka gaysteen todobaadyadii la soo dhaafay iyadoo ay u suura gashay in ay gacanta ku dhigaan degmooyin muhiim ah oo ku yaala xuduudaha
Madaxweynaha Afghanistan Ashraf Ghani ayaa wada qorshe uu kaga hortagayo weerarada ururka taalibaan ay ka wadaan wadankaasi
Waxaana dhawaan ay dowladda bandaw ku soo rogtay dhamaan gobolada dalka si loo yareeyo halista weerarada
Kumanaan ruux oo ka qaxay deegaanada ay la wareegeen ururka taalibaan ayaa waxaa ay gaareen qaar ka mid ah wadamada deriska sida ay sheegtay qaramada midoobay
