Guddoomiye ku-xigeenka siyaasadda iyo maaliyadda Gobolka Hiiraan Abuukar Maadeey ayaa sheegay in ciidanka Xoogga Dalka oo kaashanaya kuwa AMISOM ay gacanta ku dhigeen degaanka Luuq-Jeeloow oo 25 KM u jira magaalada Baladweyne.
Mudane; Maaddeey oo la hadlayay Warbaahinta Qaranka ayaa sheegay in howlgalka ay ka fuliyeen Luuq-Jeeloow uu jawaab u ahaa Hoobiyeyaal ay nabad-diidku kusoo tureen magaalada Habeen hore.
Guddoomiyaha ayaa intaa ku daray in cadowga ay gaarsiiyeen qasaare xooggan, ayna sii daayeen Dad badan oo sifo sharci darro ah ugu xirnaa maleeshiyaadka Al-Shabaab.
Ugu dambayn wuxuu Guddoomiye ku-xigeenka siyaasadda iyo maaliyadda Gobolka Hiiraan Abuukar Maadeey ballan qaaday in ay dhowaan Luuq-Jeeloow ka hir-gelin doonaan dhammaan adeegyadii Bulshada, wuxuuna baaq adag u diry malleeshiyo Beeleedyada inta badan ku dagaallama Gobolka, isagoo sheegay inaan la aqbali karin in Dadka Shacabka ah lagu kor dagaaallamo.
