Wararka laga helayo gobolka Shabeellada Dhexe ayaa sheegaya in maanta ciidamada Burundi ee qaybta howlgalka ATMIS ay dib ula wareegeen, iyaga oo kaashanaya ciidamada milatariga Soomaaliya, deegaanka Ceel Baraf ee gobolka Shabeellada Dhexe.
Ciidamada huwanta oo qaaday howlgal wadajir ah ayaa gudaha u galay saldhigga deegaankaas oo ay laba todobaad ka hor uu ka dhacay dagaal u dhaxeeyey argagixisada Al-Shabaab iyo ciidanka ATMIS.
Diyaaradaha nooca qumaatiga u kaca ayaa lagu soo warramayaa inay ku dageen saldhigga, kadibna ay ciidamadu dhaq-dhaqaaqyo ka bilaabeen gudaha iyo daafaha degaankaas, iyadoo cagta la mariyey kooxdii nabadiidka aheyd ee sida dhuumaaleysiga ah ku joogtay daafaha degaanka Ceelbaraf.
