Ciidanka Geesiyaasha Ururka 260aad Guutada 9aad Qaybta 60aad ee ciidanka xoogga dalka ayaa maanta khaarajiyay 9 ka tirsanaa maleeshiyada Al-Shabaab, halka ay dhaawaceen 14 kale, kadib weerar ay ku qaadeen Fariisamo ay argagixisada Al-Shabaab ku lahaayeen tuulooyin hoos yimaada Degmada Waajid ee Gobolka Bakool.
Howlgalka ay ciidamada fuliyeen ayaa waxa qayb ka ahaa Guddoomiyaha Degmda Maxamed Macalin Yusuf, Taliyaha Guutada 9aad iyo Taliyaha Ururka 260aad Gutada 9aad qaybta 60aad Gaashaanle Maxamed Nuur Maxamed, kuwasi oo gacanta ku soo dhigay 3 ruux oo ka tirsan dhagarqabayaasha Al-Shabaab.
Ciidamada xoogga dalka ayaa iminka deegaannada ay howlgalka ka fuliyeen ka wada howlo amni xaqiijin ah, maadaama jab xoogan loogu geystay maleeshiyada Al-Shabaab fariisamadii ay bulshada ku dhibaateyn jireen, halkaasi oo ay hadda ku suganyihiin ciidanka.
