Ciidanka xoogga dalka ayaa weerar qorshaysan ku qaaday koox ka tirsan Khawaarijta oo ku sugnaa tuulada Baraagta reer Shadoor oo hoos tagta degmada Ceeldheer ee Gobolka Galgaduud.
Kooxda Khawaarijta ah ee goobta joogtay ayay ciidamadu ku soo afjareen howlgalkaas, intii uu socday howlgalku waxay ciidanku gubeen Gaari Cabdibile ah oo Khawaarijtu ay wateen.
Sidoo kale gaari uu saarnaa qoriga lidka diyaaradaha ayey ciidanka qaranku ka soo furteen Khawaarijta.
Taliska ciidanka xoogga dalka ayaa warbaahinta qaranka u xaqiijiyey in deegaankii uu howlgalkaasi ka dhacay ay caganta ku dhigeen, iyagoo kaashanaya dadka deegaanka.
