Ciidanka Xoogga dalka ayaa howl-gal qorshaysan ka fuliyay deeganno ka tirsan gobolka Shabeellada hoose, waxaana lagu dilay xubno ka tirsan Al-Shabaab.
Howl-galkaan ayaa waxaa uu ka dhacay deegaannada kala ah Walla-galeen, Galka Saalimow, Dahaad, Ceel-maracade iyo Garas-gawaan oo ka tirsan gobolka Shabeellada hoose.
Taliyaha ciidanka dhulka ee xoogga dalka Jen. Maxamed Tahliil Biixi oo la hadlay warbaahinta qaranka ayaa sheegay in howl-galka ku dileen 11 xubnood oo ka tirsan Al-Shabaab uuna ka mid yahay horjoogihii watay maleeshiyaadka.
Sidoo kale taliyaha ayaa sheegay inay burburiyeen goobo Al-Shabaab dadka shacabka ah ugu qaadanjireen lacagaha baadda ah.
Ciidanka xoogga dalka ayaa muddooyinkaan waday howl-gallo qorshaysan oo lagu cirrib-tirayo kooxda argagixisada ah, waxaana fullinayay ciidanka sida gaarka ah u tababbaran ee Danab.
