Howl-gal Qorshaysan ayay Ciidanka Xoogga Dalka Soomaaliyeed iyo saaxiibbadooda caalamiga ab waxa ay saaka ka fuliyeen xarun Khawaarijtu ku leedahay deegaanka Mukayle oo ka tirsan Degmada Buulo burte ee Gobalka Hiiraan.
Howl-galka ayaa waxaa lagu beegsaday Garaash wayn oo Khawaarijta u ahaa goob ay ku diyaarinayaan Qaraxyada.
Ciidanka Qaranku waxa ay halkaas ku burburiyeen afar Gaari oo ay Khawaarijtu ku rakibeen Qaraxyo si ay u waxyeelleeyaan Shacabka Soomaaliyeed.
Goobtaas waxaa ku halaagsamay Malleeshiyaad ka mid ahaa kuwa sida gaarka ah ugu tababar samaynta Qaraxyada
Geesiyaasha Qaranku waxa ay ku jiraan qiimaynta qasaaraha rasmiga ah ee kasoo gaaray Khawaarijta.
Weerarkan ayaa qayb ka ah howl-gallada ay Ciidamada Qaranku ku burburinayaan saldhihyada Khawaarijta, Malleeshiyaadkooda iyo xarumaha ay ku diyaariyaan dhagarta Shacabka si loo cuuryaamiyo awooddooda.
