Ciidanka xoogga dalka Soomaaliyeed ayaa raashin qeybin u sameeyay shacabka danyarta ah ee ku nool degaanka Janaale oo dhawaan ciidanka kala wareegay cadawga Ummadda ee Al-Shabaab.
Raashinka oo isugu jira bur, bariis, timir iyo saliid ayaa ka faa’iideystay qoysas danyar ah oo ku nool deegaanka Janaale, kuwaasi oo ay dhibaato ku hayeen maleeshiyaadka Al-Shabaab.
Qaar ka mid ah dadkii ka faa’iideystay ayaa ka mahadceliyay deeqda raashinka ah oo ay ciidanka xoogga dalka ugu deeqeen qoysaska danyarta leh ee ku nool Janaale.
Ciidanka xoogga dalka oo dhawaan kala wareegay deegaanka Janaale argagixisada Al-Shabaab ayaa ku howlan sidii maleeshiyaadka Al-Shabaab looga saari lahaa tuulooyinka kale ee ay ku firxadeen dhagar qabayaasha Al-Shabaab.
