Howlgal qorsheysan oo ciidamada Xoogga Dalka Soomaaliya gaar ahaan guutada 14 Oktobar ay ka fuliyeen gudaha Magaalada Marko ayee kusoo qabteen horjoogihii maleyshiyada Al-shabaab u qaabilsanaa Aasitaanka miinyooyinka ee dhulka.
Ciidanka Guutada 14 oktobar ee Xoogga Dalka ayaa Howlgalka ay sameeyeen waxa ay kusoo qabteen Horjooge Saleemaan Cumar Cabdulle oo kamid ah Horjoogayaasha Argagixisada ee Al-shabaab.
Taliyaha guutada 14 Oktobar ee Ciidanka Xoogga Dalka Soomaaliya G/dhaxe Axmed Cabdi Cali (Axmed Gaashaan) oo la hadlay Idaacada Ciidamada qalabka sida ayaa sheegay in horjogahaan ay ka war heleen xogtiisa kadib markii ay usoo gudbiyeen shacabka ku dhaqan magaalada Marko.
G/dhaxe Axmed Cabdi Cali (Axmed Gaashaan) waxa uu sidoo kale sheegay in xiliga la qabanayay Horjogahaani uu buundada Magaalada Marko ku aasayay Miino.
Waxa uu sheegay Taliye Axmed Gaashaan in horjoogaha lasoo qabtay xiligii Nabadiidka Al-shabaab ay heesteen magaalada Marko uu gacmaha si sharci daro ah ugu jaray dad shacab ah
Horjooge Saleemaan Cumar Cabdulle ayaa Idaacadda Ciidamada Qalabka Sida u Xaqiijiyay inuu Al-shabaab ku biiray Sanadkii 2015-kii
Saleemaan Cumar Cabdulle waxa uu sidoo kale sheegay inuu Al-shabaab u qaabilsanaa Aasitaanka Walxaha qarxa, gaar ahaan miinooyinka.
