Sida ay warbaahinta Qaranka u xaqiijiyeen saraakiisha ururka 5-aad ee guutada 16-aad ee ciidanka kumaandooska Danab, ugu yaraan labo xubnood oo ka tirsan argagixisada Al-Shabaab ayaa la dilay, halka afar kalena nolosha lagu qabtay, kadib howlgal qorsheysan oo ciidanka Danab iyo Nabad sugidda Jubbaland ay ka fuliyeen degaano dhaca Galbeedka magaalada Kismaayo.
Sidoo kale ciidanka ayaa Nabadiidka Al-Shabaab ka furtay labo qori oo AK47 ah iyo hal Gaari oo nooca raaxada ah, halka labo gaari oo kalena ay gubeen, waxayna soo bandhigeen qaraxyo ay diyaariyeen kooxdu oo la fashiliyey.
Deegaanada kala ah Beerxaani, Qudus, Dharkeyn-urur iyo Barjella oo galbeed ka xiga magaalada Kismaayo ee gobolka Jubbada Hoose ayaa laga fuliyey howlgalladaan oo ay ka qeyb qaateen ciidanka Nabad sugidda Jubbaland.
