Ciidamada Xoogga dalka Soomaaliya ee ka howlgala deegaano hoos yimada degmada Qoryooley ee gobolka Shabeelaha hoose ayaa burburiyay saldhigyo Al-shabaab ay ku lahayeen qeybo kamid ah gobolkaas.
Al-shabaab ayaa fariisimo waxa ay ku lahayeen deegaanada Mushaani Janaale ciidamada xoogga dalka Soomaaliya ayaa waxaa ay la kulmeen dagaalo goos goos.
Taliyaha ururka 26 guutada sadaxaad ee ciidamada xoogga dalka gaashaanle sare Xasan Maxamed Abuukar (Xasan Jaamici) oo howlgalkaasi hogaaminayay ayaa SNARADIO u xaqiijiyay In ciidamada xoogga dalka Soomaaliya ay burburiyeen saldhigyo Al-shabaab ku lahayeen deegaanada Mushaani iyo Janaale ee gobolka Shabellaha Hoose.
Colonel Xasan Jaamici, ayaa Sidoo kale, xusay inta uu socday howlgalka lagu burburinayay fariisimaha Cadowga Al-shabaab ay kala Kulmeen weerar fashilmay waxa uuna sheegay taliyaha in dagaalka lagu dilay tiro ka tirsan nabad diidka Al-shabaab.
“Intii ciidamada geesiyaasha ay ku jireen howlgalka waxaan halkaasi kula kulnay dagaal naf la caari ah oo Nabad diidka ay ku soo qaadeen ciidamada waxaana halkaasi Al-shabaab looga dilay tiro ka tirsan maleeshiyaadkaas,” ayuu yiri Jaamici.
