Ciidanka xoogga, ayaa dilay 19 ka tirsan maleeshiyaad ah argagixisada, Al-shabaab isla markaana noloshana ku qabtay labo dhagarqabe,kadib howl-gal ay ka sameeyeen gobolka Baay.
Ciidanka xoogga ayaa sidoo kale kale gubay labo gaari,oo ay lahaayeen argagixisada waxaana dagaalka uu ka dhacay deegaan qiyaastii 11 km u jira degmadda Diinsoor ee gobolka Baay oo laga war-helay inay ku dhuumanayeen.
Taliyaha ciidanka xoogga dalka Gen. Odowaa Yuusuf Raage oo la hadlay Warbaahinta codka ciidamada qalabka sida ayaa sheegay in ciidanka ay ku guuleeysteen bur-burinta goobtii maleeshiyaadka Alshabaab ay ku dhuumaaleeysanayeen, isla markaana qasaare xooggan lagu gaarsiiyay.
