Ciidamada xoogga dalka Soomaaliya ayaa saacadihii la soo dhaafay waxaa ay howlgal qorsheysan oo ka dhan ahaa khawaarijta ka sameyeen degaanka Sabiid oo kamid ah degaannada hoostaga degmada Afgooye ee Gobolka Shabeellaha Hoose.
Saraakiisha howlgalka hoggaamineysay ayaa sheegay in ay ka war heleen Xubno ka tirsan Argagixisada oo isku aruursanayay duleedka degaanka sabiid, isla markaana looga dilay 20 ka tirsanaa kooxda khawaarijta Al-shabaab.
Related posts
Guddoomiyaha degaanka Sabiid ee Gobolka Shabeellaha Hoose Maxamed Abuukar Axmed ayaa sheegay in Xubnaha khawaarijta ee la dilay ay ahaayeen kuwo si dhuumaaleysi ah ku yimid duleedka degaanka Sabiid, isla markaana howlgalka sidii loo qorsheeyay uu u dhacay.
Guddoomiyaha ayaa sidoo kale sheegay in Ciidamada dowladda ay u diyaarsan yihiin inay ka hortagaan fal kasta oo ay geysan rabaan kooxda khawaarijta.
