Ciidanka Xoogga Dalka Soomaaliyeed iyo Daraawiishta Jubbaland oo saakay xili hore la wareegay deegaanka Qudus ee gobolka Jubbada Hoose, hallkaas oo Khawaarijta u aheyd meel istaraatiijI ah.
Howgalka qorshaysan ayaa lagu burburiyay saldhigyo Khawaarijta ku lahaayeen deegaanno badan oo hoostaga degmada Kismaayo ee gobolka Jubbada Hoose kuwaas oo ay ku baadi jireen dadka shacabka ah, waxaana halkaasi wali ka socda baacsiga maleeshiyaadka Khawaarijta ah.
Taliye kuxigeenka Ururka 162-aad ee kumaandooska Danab Cabdirisaaq Maxamed Ismaaciil oo la hadlay Warbaahinta Qaranka ayaa warbaahinta Qaranka u xaqiijiyay in ciidanka saakay hore Khawaarijta kala wareegeen deegaanka Qudus halkaa oo jab xoogan lagu gaarsiiyay khawaarijta.
“Waxaa jira howlgal soo bilowday xalay saqdii dhexe kana soo bilowday deegaanno hoostaga degmada Kismaayo oo kow ka tahay Leel-kuus, Qudus, Yaaq Caleen, waxuuna ahaa howgal burburin ah, inta uu socday wax iska-caabin ah kalama kulmin khawaarijta’ ayuu yari
Ciidanka Xoogga Dalka ayaa qeybo badan oo kamid ah gobollada dalka ka wada howlgallo ka dhan ah khawaarijta, kuwaas khasaaro xooggan lagu gaarsiiyay khawaarijta loogana dilay horjoogayaal iyo maleeshiya
