Dowladaha Ciraaq iyo Iiraan ayaa kala saxiixday heshiis is-afgarad ah oo lagu horumarinaayo goobaha Shidaalka ee xuduudaha labada dal iyo hannaanka sifaynta saliidda.
Bayaan Arbacadii shalay ka soo baxay Xukuumadda Ciraaq ayaa lagu sheegay, in Raysal-wasaaraha Ciraaq, uu saxiixay heshiis is-afgarad ah oo dhex maray wasaaradaha Shidaalka Ciraaq iyo Iiraan, iyadoo ay garab taaganyahiin labada wasiir.
War saxaafadeedka ayaa lagu sheegay in heshiiskan lagu dardar galinaayo maal-gashaiga goobaha shidaalka ee ku yaalla xudduudaha labada dal iyo in ay si wada jir ah isaga kaashan doonaan dhinacyada soo saarista iyo sifaynta Badroolka.
heshiiska, ayaa sidoo kale waxaa ka mid ahaa xoojinta iskaashiga labada dal ee dhinacyada warshadaha kiimikada, isweydaarsiga tababarada howl wadeenada warshadaha Badroolka iyo Saliidda.
