Ciyaaryahan Jermain Defoe ayaa qiray in lagu kala ogaan doono goolasha uu ka dhaliyo horyaalka ingiriiska,ka dib markii uu ku soo laabtay horyaalka ingiriiska ee Premier League-ga.
Ciyaaryahan Defoe ayaa kulankiisa ugu horeeya ee horyaalka ingiriiska waxa uu bari wajahi doonaa kooxdiisii hore ee Tottenham.
Ciyaaryahan Defoe oo 32-jir ah ayaa sedax sano iyo bar qandaraas ah u saxiixay kooxda Sunderland oo ku ciyaarto garoonka Stadium of Light.
Kooxda Sunderland ayaa ah kooxda labaad ee goolasha ugu yar ka dhalisay horyaalka ingiriiska ee Premier League-ga,waxana ay dhalisay 18-gool oo kaliya.
Tababaraha kooxda Sunderland Gus Poyet ayaa sheegay in uu baahanyahay weeraryahan goolal badan u dhaliyo,sidaana uu kooxda Toronto FC uu kala soo wareegay ciyaaryahan Defoe.
Ciyaaryahan Jermain Defoe oo maanta loo soo bandhigay saxaafada ayaa tababarkiisii ugu horeeyay kala qeyb qaatay ciyaartoyda kooxda Sunderland.
