RADIO MUQDISHO(HIIRAAN): Qaar ka mid ah culimada gobolka Hiiraan ayaa maanta gurmad gaarsiiyay ciidanka Qaranka iyo kuwa difaaca degeenka ee ku sugan furumaha dagaalka.
Gurmadkaan oo ka gooban rashiinka qeybihiisa kala duwan ayay loogu talagalay ciidanka Qaranka iyo kuwa difaaca degaan ee ku sugan degaanka Aboorey ee gobolka Hiiraan,waxana ka guddoomay deeqadaa Guddoomiyaha Gobolka Hiiraan Muusa salaad Weheliye iyo sarakiisha ciidamada ee ku sugan degaankaasi.
Culimada qaar kamid ah oo la hadlay warbaahinta qaranka ayaa sheegay in ay waajib tahay garab istaag ciidanka geesiyaasha qaranka ee dagaalka kula jira khawaarijta,iyagoo guuda ahaan shacabka ugu baaqay in loo midoobo dagaalka argagixisad.
Degaanka Aboorey ee gobolka Hiiraan ayaa dhawaan laga saaray khawaarijta kadib dagaalka ciidanka xoogga iyo kuwa degaanka halkaa ay kula galeen argagixisada,waxaana halkaa lagu dilay Horjoogayaal iyo maleeshiyaad badan oo katirsanaa khawaarijta.
