Munaasabad lagu daah Furayay dhalashada bisha Rabiicul Awal oo ah bishii uu dhashay Dhashay Nabigeena Muxamed NNKH oo ay soo qaban qaabiyeen Culumaa’diinka Ahlu Sunna Wal Jamaaca ayaa maanta Lagu qabtay magaalada Nairobi.
Culumaa’udiinka Ahlu Sunna ayaa sheegay in Munaasabadani ay tahay mid leysku xasuusinayo oo loogu diyaar garoobayo maalinta 12-ka bisha Rabiicul Awal oo ah maalintii uu dhashay Nabigeena Muxamed NNKH oo ku began todobaadka soo socda.
Munaasabadan oo ay ka soo qeyb galeen Culumaa’udiin fara badan ayaa waxaa laga jeediyay Khudbado ku aadan Muhiimada ay leedahay in la xuso oo la weyneyo maalinta dhalashada Nabigeena Muxamed NNKH,iyago sidoo kalana baaq u jeediyay dadka diidan in la xuso dhalashada Nabigeena Muxamed NNKH.
Culmaa’udiinka ayaa sheegay in ay muhiim tahay in todobaadkan la badiyo ka sheekeeynta siirada Nabigeena Muxamed NNKH.
Sanad kasta Bisha ayaa labada todobaad ee ugu horeeya bisha Rabiicul Awal oo ah bishii uu dhashay Nabigeena Muxamed NNKH waxa ay Culumaa’udiinka Ahlu Sunna Wal Jamaaca Meel kasta oo ay joogaan ka xusaan oo ay weyneyaan dhalasha Nabigeena Muxamed NNKH.
Sawir qaade:-C/raxmaan Cumar Cabdi (Somali)
