Sida ay sheegayaan Wararka ka imanaya Turkiga, Laba qof aya geeriyooday galinkii danbe ee shalay, ka dib markii ay halkaasi ka da’een Roobab mahiigaan ah oo waddooyinka Istanbul u ekeysiiyay wabiyo.
Warbaahinta ayaa intaa ku dartay in dabeylo xalay dhacay oo ka dhashay Roobabkii da’ay ay sababeen in Booliiska ay daad gureeyaan qaar kamid ah dadweynahii ku go’doomay qeybo ka mid ah magaalada.
Muuqaalo laga sii daayay taleefishinada ayaa muujinayay biyo qulqulaya oo xaaqaya baabuur iyo qaar ka mid ah agabyadii yaalay suuqyada magaalada.
Hay’adda Gurmadka deg-degga ah ee Turkiga ayaa sheegay in Roobabkan iyo dabeylahii halkaasi ka dhacay ay ku dhinteen laba qof, sidokalana lagu la’yahay Afar kale.
