Boqolaal qof ayaa laga cabsi qabaa in ay ku dhinteen halka kuwo kalena guriyahooda ku xanibmeen ka dib markii daadad dhoobo wata ay ku rogmadeen caasimadda wadanka Sierra Leone, ee Freetown.
Buuro ku hareereysanaa magaalada, ayaa la sheegay in ay ku soo jabeenย aroornimadii hore maanta oo Isniin ah taas oo ka dambeysay markii ay da’een roobab mahiigaan ah waxayna keentay in gebi ahaanba guriyihii halkaas ku yiiley dambooleen dhoobo.
Wariye ka tirsan BBC oo goobta tagay ayaa sheegay in mashaqadan dhacday xilli dadka ay jiifeen.
Saraakiisha deegaanka ayaa sheegay in ay tahay waqti hore in faahfaahin laga bixiyo khasaaraha meesha uu gaarsiisan yahay.
Daraasiin qof ayaa laga soo saaray halkaas.
Madaxweyne ku xigeenka dalka Sierra Leone Victor Bockarie Foh, ayaa sheegay in boqolaal ruux ay ku jiraan burburka hoostiisa.
“Musoobo aad u daran ayaa dhacday aniga qudheydo waa ay i taabatay,” ayuu u sheegay wakaalada Reuters. Waxaana uu intaa ku daray in goobta la xirey si dadka loo soo daad gureeyo.
Kooxaha gurmadka deg dega ah ayaa ku howlan soo badbaadinta dadka ku xaniban halkaas.
Sawiro laga soo geliyay Twitter-ka ayaa muujinaya dadka oo waddooyinka maraya oo biyo joog sare ku socdana ka soo shubmayaan hareeraha magaalada Freetown.
Daadadka kuma badna dalka Sierra Leone, sidaa awgeed guriyaha aan u dul qaadan karina isla markaana daadadka ayaa la taga.
Sanadkii 2015, magaalada Freetown waxaa soo maray daadad aad u ba’an oo ka dhashay roobabkii ย Monsoon kuwaas oo dilay 10 ย qof iyadoona hoy la’aan noqdeen kumanaan kale.
