Guddoomiyaha gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa ka qeyb galay munaasabad lagu soo bandhigayay Waxqabadka sanad guurada Daadajinta Adeegyada Caafimaadka ee Gobolka Banaadir.
Munaasabdan oo ay ka qeyb galeen madax kala duwan ayaa lagu bogaadiyay faa’idooyinkii laga dhaxlay tan iyo markii uu maamulka gobolka Banaadir la soo wareegay maamulida adeegyada Caafimaadka Caasimadda.
Agaasimaha Caafimaadka gobolka Banaadir mudane Maxamed Maxamud Cadow oo ka hadlay marxaladihii laga soo maray daadajinta adeegyada Caafimaadka ayaa xusay in xarumo badan oo caafimaadka la xiriira ay gacanta ku hayaan, kuwaasi oo uu sheegay in loogu adeegayo bulshada.
Guddoomiyaha gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa tilmaamay in maamulkiisa ay ka go’an tahay sidii adeegyada wax tar leh ay bulshada u heli lahaayeen.
