Wasiirka Gaadiidka iyo Duulista hawada ee Xukuumadda Soomaaliya Mudane Saciid Jaamac Cali Qoorsheel iyo wafdiga uu hogaaminayo oo howlo shaqo u jooga dalka Canada ayaa kulan la qaatay madax ka tirsan Hay’adda caalamiga ah ee adduunka u qaabilsan duulista Hawada oo loo soo gaabiyo (ICAO) oo uu kala hadlayay arrimo kale duwan.
Mudane Saciid Jaamac Qoorsheel Wasiirka Gaadiidka iyo duulista Hawada, ayaa kulamo gaar ah la qaaday Madaxda Hay’adda adduunka u qaabilsan duulista Hawada International Civil Aviation Organization (ICAO).
Wasiirka ayaa kulamada uu la qaatay madaxdaasi oo uu ka mid ahaa Xoghayaha Guud ee Hay’adda adduunka u qaabilsan duulista Hawada, waxaana kulankooda diirada lagu saarayay sidii dowladda Soomaaliya loogu soo wareejin lahaa maamulida hawada Soomaaliya oo iminka laga maamulo xafiiska hey’adaasi ay ku leedahay dalka Kenya, waxaana Soomaaliya ay maamuli doontaa islamarkaana ay la soo wareegi doontaa.
Hay’adda caalamiga ah ee adduunka u qaabilsan duulista Hawada oo loo soo gaabiyo (ICAO) waxaa la aas aasay sanadkii 1944,kii.
