Heshiiskan ay kala saxiixdeen sedexda Jaamacadda Umadda iyo labada Jaamacadood ee yaalla Dalka K/Afrika ee kala ah Vaal iyo Vits ayaa waxaa goob joog ka ahaa Madaxweynaha Jamhuuriyadda Soomaaliya Mudane Xasan Sheikh Maxamuud,Safaaradda Soomaaliya ee Dalkani,Madax kasocotay labada Jaamacadood iyo Gudoomiyaha Jaamacadda Umadda,waxa uuna ka koobnaa Qodob muhiim ah waxaana ka mid ahaa qodobadaasi,
Isdhaafisiga Ardayda iyo Maclimiinta labda Dal,sameynta Cilmi barista,Siminaarro iyo tababarro joogta in ay labadan Jaamacadooda ka caawiyaan Jaamacadda Umadda tababarro la xiriira tiknoolijiyada waxaana heshiiskaasi u saxiixay Prof Maxamed Axmed Jimcaale oo ah Gudoomiyaha Umadda,Cabdi Xalane Xirsi,Prof Mohamed Mullah Vimpo.
Saxiixayaasha heshiiskan ee labada Dal ayaa sheegay in heshiiskan ayaa sheegay inuu yahay mid taariikhi ah iyadoo Arday farabadan ka faa,ideysan doonaan.
Cabdi Xalane Xirsi Uqeysanaha Safaaradda Soomaaliyeed ee K/Afrika Waxbarashada iyo Dhaqanka ayaa sheegay in heshiiskan dhexmaray sedexda Jaamacadood in Jaamacadda Umadda Soomaaliyeed laga taageero dhinacyo badan waxa uuna yiri” Heshiiska waxaa ka mid ahaa in Jaamacadda Umadda Soomaaliyeed laga taageero in tiknooliyadda iyo kor u qaadida Jaamacadaas dhismaheeda waxaa ka mid ahaa in si wadajir ah baaritaan loogu sameeyo Dalka Soomaaliya,in Ardayga jooga Soomaaliya uu iska diiwaangaliyo Jaamacadahan,waxaa ka mid ahaa labada Jamaacadod iyagoo isku darsan inay codsi u dirsaan karaan si loo taageero Barnaamiyadooda”ayuu yiri.
Dhanka kale Madaxweynaha Jamhuuriyadda Soomaaliya,Mudane Xasan Sheikh Maxamuud oo heshiiskaasi goob joog ka ahaa ayaa isagane ka hadlay waxbarashada iyo qiimaha ay leedahay xilli uu qudbad ka jeedinayay kulan ay Jaaliyadda Soomaaliyeed ee Dalka K/Afrika ku qabteen Magaalada Johannseburg”
“Waxaa jooga Madaxii Jaamacadda Umadda halkaan,waxaa uu u yimid in ay heshiis kala saxiixdaan Jaamacad ku taalla South Africa Arday iyo maclimiinta halkaan u imaan karaan tababarro la siin karo maclimiintooda tagi karaan Soomaaliya casharro ugu bixin karaan” ayuu yiri Madaxweynaha.
Heshiiskaan ayaa waxgal u ah Ardayda Soomaaliyeed ee Dalkeena wax ku baranaya iyadoo Jaamacadaha Dalka Koonfur Afrika ay la jaangqaadeen kuwa kale ee Caalamka ugu waaweyn.
C/qaadir Axad Warbaahinta Qaranka Johannseburg,South Africa
