Saldhiga Boliiska ee degmada Xamar Jajab ayaa maanta lagu soo bandhigay labo gaari oo raashiin gargaar ah u siday qoysaska danyarta ah oo ku nool magaalada Muqdisho kuwaas oo lagu soo qabtay dad raashiinkaas macaawinada ah leexsaday isla markaana ka ganacsanayay,waxaana goobta lagu soo badhigay joogay Xeer ilaaliha guud ee Qaranka Dr Maxamed Cali Daahir iyo ku xigeenkiisa.
4 ruux ayaa gacanta lagu haya kuwaas oo lagu eedeeyay in ay ku lug lahaayeen fal-danbiyeedkan kadib markii ciidanka Boliiska iyo Nabad Sugidda ee degmada ay u suurtagsahay in ay raggan gacanta ku soo dhigaan.
Related posts
Ku xigeenka Xeer ilaaliyaha Qaranka Abuukaate Maxamed Xasan oo warbaahinta Qaranka goobta kula hadlay ayaa sheegay in ay gacanta ku soo dhigeen ciidanka dadkii Raashiinka dadkii gadayay iyo kuwii laga iibinayay isagoo sidoo kale sheegay in kuwo kale ay ciidanka ku raad joogaan sharcigana la horkeeni doono dhamaan.
Maxamed Xasan Nuur ku xigeenka Xeer Ilaaliyaha Qaranka oo hadalkiisa sii wata ayaa sheegay in arintan ay ku lug leeyihiin dad masโuuliyiin ah isla markaana ay baaritaan ku hayaan meel wanaagsana uu marayo.
โGuud ahaan dalka Soomaaliya ladagaalanka Musuq-maasuqa waa uu ka bilowday, xafiiska Xeer ilaaliyaha Qaranka waxaa uu hadda wadaa oo intooda badana gacanta lagu dhigay dad masโuuliyiin iyo ganacsato isugu jira oo leexsaday Raashiinkii loogu talagalay dadka degan Buulo-Burteโ ayuu yiri Abuukaate Maxamed Xasan.
HALKAN HOOSE KA DAAWO WARKAN MUUQAALKIISA
