Akhristayaasheena sharafta leh waxaan halkaan idinkugu soo gudbineynaa goobo loo dalxiis tego oo ku yaalla degmada Luuq ee Gobalka Gedo, halkaasoo ay tegaan maalmaha fasaxa dhalliyarada qaybaheed kala duwan ee magaalada ku nool.
Goobaha loo dalxiis tego waxaa dadweynaha kala qeybgala kulamada ay lee yihiin maamulka degmada, si loo adkeeyo isdhexgalka bulshada iyo maamulka degmada iyo kor u qaadida goobaha bilacda leh ee magaalada ku yaalla.
Qaar kamid ah dhallinyarada degmada Luuq ayaa ku amaanay maamulka magaalada in ay dhallinyarada kala qeyb galaan kulamada ay lee yihiin maalmaha fasaxa, si loo adkeeyo is dhexgalka bulshada iyo kor qaadida bilicda.
Gudoomiyaha Degmada Luuq Maxmad Cabdullahi Gardhuub oo la hadlay qaar ka mid ah dhallinyarada booqanaysa goobaha dalxiiska loo tego ayaa sheegay in ay soo dhaweenayaan maamulkooda in da’ yerta la baro goobaha loo dalxiistego ee magaalada ku yaalla.
Gudoomiyaha Degmada luuq ayaa sidoo kale dhallinyarada ka codsaday in ay la yimaadaan hal abuuro wax u taraya degmada sida ganacsi, iyo goobo dalxiis oo laga furo magaalada.
