Cadaado, 14 Abriil 2015, Madaxweynaha Jamhuriyadda Federaalka ee Soomaaliya, Mudane Xasan Shiikh Maxamuud, ayaa maanta socdaal shaqo ku yimid magaalada Cadaado ee Gobolka Galguduud isaga oo ay wehliyaan mas’uuliyiin ka tirsan labada Gole.
Madaxweynaha socdaalkiisu waa lugtii ugu dambeysay ee socdaallo dhowr ah oo uu ku tegey Gobobollada Dhexe si uu u dardar geliyo howlaha qaban qaabada shirka lagu dhisayo Dowlad Goboleedka Mudug iyo Galguduud oo hadda maraya heer gebo gebo ah.
Wafuud ka socda degaannada Gobollada Dhexe ayaa ku qulqulaya degmada Cadaado, halkaas oo ay ballantu tahay in uu berri ka furmo shirka lagu dhisayo Dowlad Goboleedka Gobollada Dhexe.
Madaxweynaha iyo wafdigiisa waxaa si diirran ugu soo dhoweeyay magaalada Cadaado Madaxda degaanka iyo dadweyne fara badan oo uu hoggaaminayo Wasiirka Arrimaha Gudaha, Cabdiraxmaan Odowaa, oo hoggaaminayay wafdiga hordhaca ah eek a horreeyay wafdiga Madaxweynaha.
