Munaasabad Lagu Soo Dhaweynayay Guddoomiyaha Cusub ee gobolka Banaadir ahna Duqa Caasimadda Muqdisho Mudane Yuusuf Xuseen jimcaale ayaa galabta lagu qabtay Degmada Hiliwaa ee gobolka Banaadir, iyadoo munaasabaasi ay ka qeyb galeen qeybaha kale duwan ee bulshada ku nool degmadaasi.
Soo dhaweynta guddoomiyaha oo eheyd mid heer sareysay ayaa waxaa ka dhex muuqday ardayda degmada Hiliwaa wax ka barta haween,dhalinyaro iyo qeybaha kale duwan ee bulshada, iyadoo Guddoomiyaha uu gacan qaaday bulshadii ku soo dhaweysay degmadaasi.
Guddoomiyaha Gobalka Banaadir ahna Duqa Magaalada Muqdisho Mudane Yuusuf Xuseen jimcaale Ayaa uga Mahad Celiyay Bulshada Ku Dhaqan Degmada Hiliwaa Sida Dhiiran Ay Usoo Dhaweeyen waxaana uu ka codsaday in ay ku dadaalaan ka shaqeynta xoojinta amniga iyo horumarinta bilicda caasimada.
