Magaalada Gaalkacyo oo ah xarunta gobolka Mudug ayaa maanta si weyn looga ciiday, iyadoo dadweynaha ku nool magaaladaasi ay si nabadgelyo iyo farxad leh uga damaashaadeen ciidul-fidriga.
Caruur aad loogu soo labisay, haween iyo dhallinyaro farabadan ayaa soo camiray waddooyinka magaaladaasi, iyagoo isugu hambalyeeynaya farxadda ciidda.
Salaadda ciidda ayaa saaka si wadajir ah loogu tukaday masaajidda magaaladaasi, iyadoo bulshada ku nool magaaladaasi maanta laga dareemayay farxadda weyn maaddaaa ay si nabadgelyo ah u ciideen.
