Taliyaha ciidanka XDS S/gaas Maxamed Aasan Axmed ayaa xarunta wasaaradda Gaashaandhigga kulan kula qaatay saraakiisha ciidanka XDS kaasoo looga hadlay xaaladda ciidanka, iyo habka ay u socdaan howlgallada ciidamadu ay ka wadaan qeybo ka mid ah gobollada dalka.
Kooxda fanaaniinta ciidanka XDS ee Horseed ayaa furitaanki kulanka ku soo bandhigtay suugaan qiira leh iyo riwaayad ka tarjumeysa waxqabadka ciidamada XDS, taasoo ay aad ugu riyaaqeen taliyaha iyo saraakiishi ka qeybgashay kulankaasi.
Taliyaha ciidanka XDS S/gaas Maxamed Aadan Axmed oo kulankaasi ka hadlay ayaa saraakiisha kula dardaarmay iney gutaan wajibaadka qaranka islamarkaana ay ka shaqeeyaan nidaaminta ciidanka ilaaliyaana xuquuqda ciidamada iyo dishabiliinkoodaba.
Taliyaha ciidanka XDS ayaa halkaasi kaga dhawaaqay in dugsiga tababarka ciidamada Jasiira loogu magic daray Abaanduulihii hore ee ciidanka XDS Jeneraal C/kariin Yuusuf Aadan “Dhegabadan’ wuxuuna saraakiisha faray inta magaca dugsiga Jasiira lagu bedelay sidan “Dugsiga tababarka ciidamada ee Jeneraal C/kariin Yuusuf Aadan Dhegabadan”.
Kulankan ayaa ahaa mid todobaadkiiba maalinta khamiista ay saraakiisha ciidamada XDS ku yeeshaan xarunta wasaaradda Gaashaandhigga kaasoo ay uga hadlaan xaaladda ciidamada.
