Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii lix iyo tobnaad oo ah wareegga labaad ku tartamay tartameyaasha Degmooyinka Gaalkacyo VS Shangaani oo ka kala tirsan Gobollada Mudug iyo Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee Gaalkacyo VS Shangaani ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Gaalkacyo
Tartameyaasha Degmada Gaalkacyo ee gobolka Mudug waxaa la weydiiyey todobo Su’aal, waxaana ay si sax ah uga jawaabeen labo su’aal, waxaana ay iska qaldeen shan su’aal, waxa ay ka faa’iideysteen hal su’aal oo soo hareer martay tartamayaasha Degmada Shangaani, sidaa darteed wadarta guud ee dhibcaha tartameyaasha Degmada Gaalkacyo ay heleen waxay noqoneysaa lix (6) dhibcood.
Shangaani
Tartamayaasha Degmada Shangaani ee gobolka Benaadir waxaa dhankooda la weydiiyay todobo su’aal, waxa ay ka jawaabeen labo su’aal, waxa ay iska qaldeen shan su’aal, waxaana ay ka faa’iideysteen hal su’aal oo soo hareer martay tartamayaasha Degmada Gaalkacyo, waxaana wadarta guud ee dhibcaha ay heleen tartameyaasha degmada Shangaani ay noqotay lix (6) dhibcood.
Tartamaayasha labada degmo ayaa isku dhibco noqday oo ah min lix dhinac, waxaana loo baahday si loo kala saaro in lagu darro su’aalo dheeri ah, waxaana su’aalihii dheeriga ahaa iska qalday tartamayaasha degmada Gaalkacyo, balse ma jirin cid ka faa’iideysatay, hayeeshee tartamayaasha Degmada Shangaani ayaa waxa ay ka jawaabeen su’aashii sagaalaad ee la weydiiyay, sidaas ayayna ku heleen 8 dhibcood.
Tartamayaasha Degmada Shangaani ee gobolka Benaadir ayaa caawa u soo gudbay wareegga saddexaad ee tartanka.
Hadaba Habeen dambe oo ah habeenka todobo iyo tobnaad ee tartan cilmiyeedka Warbaahinta Qaranka hadii uu Alle idmo Barnaamijka waxaa ku tartami doona tartamayaasha Degmooyinka Dhahar Vs Xamarweyne oo ka kala tirsan Gobollada Sanaag iyo Benaadir.
Sawir Qaade: Axmed Nuuradiin
