Ku dhawaad 400 oo ruux kuna nool Deegaanka Ceeldibir iyo Tuulooyin badan oo hoos yimaada ayaa ka faaidaystay gurmad Caafimaad oo ay fuliyeen Ururka Dhaqaatiirta Galmudug iyo Dhalinyarada Deegaanka .
Dr C/risaaq Xoghayaha Ururka dhaqaatiirta Galmudug iyo Saadaq oo xubi ka ah Ururka ayaa inooga waramay baahiyada ay qabeen Dadka ay qaabileen waxayna ugu cid kasta ee ka shaqeysa Arrimaha Caafimaadka in gar gaar lasoo gaaraan Muwaadiniinta Soomaaliyeed ee wajahaya Caafimaad xumidaka jirta Deegaanka Ceeldibir iyo baadiyaha hoos yimaada.
Guddoomiye ku xigeenka Ceeldibir Cawil Abshir ayaa kaga mahad celiyay Ururka dhaqaatiirta Galmudug isagoona Baaq dheer u diray Samafalayaasha Caafimaadku inay u howlgalaan bad baadinta Bulshada dhanka kale Guddoomiyaha ayaa tilmaamay inaysan macquul ahayn muwaadiniinta Soomaaliyeed ee ku Bariga Gobolka Mudug ahaadaan Caafimaad daro.
Farxiyo Cabdulaahi Axmed Xadiyo Xirsi Weheliye oo ka mid ahaa Dadkii gurmadkaan Caafimaad ka faaidaystay ayaa kaga mahad celiyay Ururka dhaqaatiirta Galmudug waxayna ka dalbadeen Waasaaradaha Caafimaadka heer federaal iyo heer Maamul, Haayadaha Samafalka ee ka shaqeeya Arrimaha Caafimaadka inay gar gaar deeg deg ah lasoo gaaraan.
Waa markii labaad ee Ururka dhaqaatiirta Galmudug ay Adeeg Caafimaad ka fuliyaan Ceeldibir iyadoo wali baahidu tahay mid taagan una baahan in wax laga qabto.
