Kullan diimeedka 8 aad ee jaaliyada Soomaalida ee todobaadkaan ka socday magaalooyinka kala duwan ee dalka Koofur Africa gaar ahaan qeybtiisa Magaalada Pretoria ayaa habeenkii xalay ahaa lasoo gaba gabeeyay waxaana ka qeybgalay ilaa saddax ka mid ah Culimada Soomaalida ee sanadkaan Martida ah dalka South Africa.
Masjidka Imaamu Bukhaari ee magaalada Pretoria caasimada dalka Koofun Afrika oo qaar ka mid ah maxaadarooyinka lagu qabtay ayaa xalay waxaa isugu yimid shacab Soomaaliyeed ee ku nool xaafadaha magaalada Pretoria waxaana muxaadaooyinkii ay qabteen culimada ka mid ahaa wacyigalinta dhalinyarada,arimaha haweenka iyo dhibaatooyinka Qoyska waxaana jirtay nadwo diini ah oo looga hadlayay xaaladaha dalkii hooyo ee Soomaaliyaย iyo dhibaatooyinka dowlad La’aanta.
Sheikh Maxamed Xakaar oo ah gudoomiyaha Markazka iyo masjidka Bukhaari ee ku yaala magaalada Pretoria ayaa sheegay in culimada ay qabteen muxaadarooyin badan mudadii yareyd oo ay joogaan waxaana ka faaiideystay bulsho badan oo kasoo qeybgalay.
Dr Sheikh Yuusuf oo ka mid ah xubnaha sar sare ee hey’ada Culimada Al-Bayaan oo kulankaan soo agaasintay ayaa culimada iyo kaso qeybgalayaasha waxaa uu u sheegay warbixinta sanadka 2017 ee waxbqadka masjidka iyo Markazka Imaam bukhaari oo hoos taga hey’ada Al-bayaan oo ay ka mid yihiin ka qeyb qaadashada Gurmadkii loo sameeyay dadkii ay abaaraha ku dhufteen gayiiga Soomaaliya,caawinta dadkii ku waxyeeloobay qaraxi Zoobe oo ay kaalin mug leh ka geysteen iyo sido kale kaalmeynta caruurta agoonta ah ee aabayaashood lagu dilay dalkaan South Africa iyo arimo kale oo badan.
SheikhCabdirisaaq Maxamuud Takar oo ka mid ah culimada u yimid sanadkaan ka qeyb qaadashada wacyigalinta bulshada ayaa ugu baaqay Soomaalida in ay ka shaqeeyaan midnimada iyo isku xerka guud si looga gudbo dhibaatooyinka hareeyay bulshadeena.
Sanad walba marka la gaaro bishaan oo kale ayaa kulan diimeedkaan lagu qabtaa dalka Koonfur Afrika waxaana culimada ay tagaan magaalooyinka waa weyn oo Soomaalida ay ku badan ayaga oo uga faa’ideya cilmiga diiniga ah.
