Madaxweynaha Jamhuuriyadda federaalka Soomaaliya mudane Xassan Sheekh Maxamuud ayaa maanta magaalada Sharm El Sheikh kula kulmay dhigiisa dalkan Abdifatah Al Sisi isagoo madaxweyne Xassan Sheekh ugu hambalyeeyay dhigiisa Masar guusha uu ka gaaray shirka looga hadlayo dhaqaalaha Masar ee lagu yaboohay dhaqaalaha isugu jira maalgelinta iyo deeqdaba.
Madaxweyne Xassan Sheekh Maxamuud ayaa tilmaamay in Soomaaliya ay wax badan ka faa’iideyso shirarka noocaan ah oo loo baahanyahay in dalkeena loo qabto si maalgashi iyo yabooh dhaqaale loogu helo wadankeena oo leh dhinacyo badan oo maalgashi u baahan.
madaxweynaha ayaa waxaa kulanka ku wehliyay wasiirka Batroolka Maxamed Muqtaar,wasiirka Boostada iyo Isgaarsiinta Guuleed Qaasim,wasiir dowlaha arrimaha dibedda Dr.Khaalid Cumar Cali,safiirka Soomaaliya ee dalka Masar C,laahi Xassan,iyo la taliyaha madaxweynaha ee arrimaha carabta Sheekh Daahir Maxamuud Geele.
