Xubno ka tirsan Xukuumadda Federaalka Soomaaliya iyo Guddoomiyaha Gobolka Banaadir ahna duqa Muqdisho ayaa maanta kormeer ku tegay Garoonka cayaaraha ee Muqdisho oo dhisma uu ka socdo.
Wasiirka Warfaafinta, Dhaqanka iyo Dalxiiska ee Xukuumadda Feraalka ah ee Soomaaliya Mudane Maxamed Cabdi Xayir Maareeya ayaa sheeay in kormeer howleed ay ku tegeen garoonka caayaraha ee Muqdisho halkaasi oo ay ka socoto howlo dib u dhis ah, uuna rajaynayo in goor dhaw la soo gabo gabeyn doono.
“Xaruntii Qaranka ee isboortiga ayaan booqasho ku nimid, booqashadaas waxa ay la xiriirtaa, inaan ogaano meesha uu marayo iyo in isidoo kale la dar dargeliyo oo la dhameystiro, iyo inaan fiirino warar Warbaahinta ku jiray oo ah in shaqadii shaqadii Stadium Muqdisho waa la joojiyay oo aan wax ka ogaano” ayuu yiri Wasiirka Warfaafinta oo hadalkiisa ku daray in shaqada garoonka ay socoto oo aysan jirin cid joojisay.
“Howsha Stadium Muqdisho wey socotaa, cid joojin karta ma leh, Mashruucyada aan anaku wadno, dowladdu Waddo wax saameyn ah kuma lahan Shabaab iyo Argagixisadu mana joojin karaan”. ayuu yiri Wasiir Maareeye.
Wasiirka Warfaafinta ayaa uga digay hay’adaha sida gaarka ah loo leeyahay iyo shacabka Soomaaliyeed inay boroboagaan u sameeyaan argagixisada, isagoo intaa ku daray inay sameyn doonaan baaritaan ku aadan haddii shirkadda dhismaha hakad gelisay iyo Warbaahinadii baahiyay in ay joogsatay shaqadii dib u dhiska garoonka cayaaraha ee Muqdisho.
Halkan ka daawo muuqaalka
https://www.facebook.com/NasraBashirAli/videos/2258126034315628/
