Degmooyinka Hobyo iyo Cabudwaaq oo ka kala tirsan Gobalada Mudug iyo Galguduud ayaa Galabta isku arkay Ciyaaraha Degmooyinka Dowlad Goboleedka Soomaaliyeed ee Galmudug kaasoo ka socda Garoonka Ciyaaraha C/llaahi Ciise ee Degmada Gaalkacyo.
Ciyaarta oo ahayd mid xiiso badan ayaa maalinkii afaar waxaa ku xoolamay Degmooyinka Hobyo iyo Cabudwaaq oo ka mid ah Degmooyinka Galmudug waxaa usoo Daawasho tagay Ciyaarta boqolal shacab ah oo kala matalaayay Degmooyinka loolamayay.
Degmada Hobyo ee Gobolka Mudug ayaa Galabta Ciyaarta guul ka gaartay iyadoo la imaatay Degmada Hobyo 2 Gool waxayna kulan Ciyaareedku kusoo dhamaaday labo iyo ebar{2-0} Halka Degmada Cabudwaaq oo Ciyaartay kulankoodi koowaad ay la imaatay “0”
Magaalo xeebeedka qadiimigaa ee Hobyo ayaa kasoo gudubtay kulan Ciyaareed ay la hardantay Degmooyinka Cadaado iyo Cabudwaaq waxayna mar kale ku aadi doontaa Degmada kale.
Ciyaaraha Degmooyinka Galmudug ayaa waxaa soo qabanqaabisay Wasaaradda Ciyaaraha iyo Dhalinyarada Dowlad Goboleedka Galmudug waxaana marti galisay Degmada Gaalkacyo ee Xaruunta Gobalka Mudug.
Tartanka Ciyaareedkaan u dhaxeeya Degmooyinka ayaa doorweyn ka qaadan Amniga iyo isdhexgalka Dhalinyarada Soomaaliyeed gaar ahaan kuwa ku dhaqan Degaanada Dowlad Goboleedka Galmudug.
Sawir qaade Wariye Baashi Ali Haashi Wakiilka Hobyo
