Garigaan oo ahaa Nuuca Raaxada ee Gobolkaan looga yaqaan Kabiyo Buud ayaa shalay galinkii Dambe ku rogmaday inta u dhaxeeysa Deegaanada Gawaan dheere iyo Wisil oo dhamaan ka tirsan Koonfurta Gobolka Mudug ayaa waxaa ka dhashay Khasaare iskugu jira dhimasho iyo Dhaawac.
Gaariga ayaa ka imaaday Magaalo xeebeedka Hobyo isagoona kusoo jeeday Deegaanka Wisil hasa-yeeshee gaariga ayaa mar qura ka baxay hanwaagii ama Wadada waxaana ku dhintay sida ay Xafiis wareedka Warbaahinta Qaranka ee Hobyo u xaqiijiyeen Wadihiii Gaariga halka ay ku dhaawacmeen 3 Ruux oo saarnaa Gaariga rogmaday kuwaas oo ay soo gaareen Dhaawacyo halis ah sida ay goobjoogayaal ii sheegeen.
Tan iyo Markii ay Guddiga Dhismaha Wadada Magaalooyinka Hobyo iyo Gaalkacyo ee Magacooda loo soo gaabsho GOB ay bilaabeen Dhimaha Wadadaas ayaa waxaa soo badanaayay Shilalka gaadiidka iskaga goosha Gaalkacyo iyo Hobyo waxaana loo sababaynayaa qadar alle ka sokoow gaadiidlayda oo aan u maran Waddooyinka liishaha ah.
Dhamaadkii sanadkii 2018 ayay ahayd markii gaari Xamuula oo kusii jeeday Magaalada Hobyo uu ku gadoomay Deegaanka Gawaan dheere oo hoos yimaada Hobyo waxaana ku dhintay dad gaaraya 4 Ruux halka ka badanna ay ku dhaawacmeen.
