Madaxweynaha Dowlad Goboleedka Soomaaliyeed ee Galmudug Mudane Axmed Ducaale Xaaf iyo Wafdi uu hugaaminaayo ayaa galabta soo gaaray Magaalada Gaalkacyo ee Xaruunta Gobolka Mudug.
Axmed Ducaale Xaaf Madaxweynaha Galmudug ayaa socdaalkiisa uu kusoo gaaray Caasimadda Gobalka Mudug ee Gaalkacyo waxaa ku wehlinaayay Wasiiro, Xildhibaano ka tirsan Maamulkiisa iyo Guddoomiyaha Gobalka Mudug C/rashiid Xaashi Cartan.
Madaxweyne Xaaf ayaa Garoonka Diyaaradaha OSHAAKA ee Koonfurta Gaalkacyo waxaa kusoo dhaweeyay Duqa Gaalkacyo ee Galmudug Xirsi Yuusuf Bare, ku xigeenkiisa, Saraakiisha Ciidamadda Xoogga Dalka Soomaaliyeed gaar ahaan 21 aad, kuwa Booliiska Gobalka Mudug, Ururada Haweenka Mudug,Degmada iyo qeybaha kala duwan ee bulshada Gaalkacyo ee Galmudug.
Socdaalka Xaaf ee Gaalkacyo ayaa qaadan doona sida Warbaahinta Qaranka Soomaaliyeed u sheegeen masuuliyiin ka tirsan Galmudug mudo 3 maalin ah isagoona kulamo la qaadan doona Odoyaasha dhaqanka iyo qeybaha bulshada Galmudug.
Sawir Qaade Baashi Cali Xaashi
