Xiritaanka tababarkaan oo ku saabsana sida looga faaiideysan karo qoraxda, islamarkaana loo hirgaliyo nalalka ku shaqeeya cadceeda, waxaa uu socday mudo labo maalin ah, waxaan xiritaankiisa maanta ka qeyb galay wasiirka wasaarada howlaha guud iyo dib u dhiska Soomaaliya Eng: Saalax Sheakh Cismaan, xubno matalayey maamulada dalka kajira iyo masuuliyiin kale oo katirsan wasaarada.
Dhinacyada ka qeyb galay tababarka ย oo kala matalayey maamul goboleedyada dalka ayaa labada maalin ee uu socday baranayey muhiimada habka loo hirgliyo nalalka ku shaqeeya cadceeda.
Sidaasi oo kalen waxaa ay madasha kusoo bandhigeen baahiyaha deegaanadooda ay u qabaan arintaasi. iyadoo gaba gabada tababarka laisku raacay qodobo dhor ah oo dhinacyadu ay ku heshiiyeen.
Wasiirka wasaaradda howlaha guud iyo dib u dhiska dalka Eng Saalax Sheakh Cismaan ayaa sheegay in wasaarada qorshaheeda uu kamid yahay shaqo abuur loo sameeyo dhalinyarada si isku filnaan loo gaaro.
โWaxaan shaqo abuur u sameyn doonaa dhalinyarada, sababtoo ah waxan u baahanahay inaan gaarno isku filnaashoโayuu yiri wasiirka.
Wasaaradda howlaha guud iyo dib u dhiska ayaa wada dadaalo xoogan oo ay uga qeyb qaadaneyso dib u dhiska dalka.
Sawir qaade Maxamed C/laahi Feereysane
