Dab ayaa maanta qabsaday guri ku yaalla dhabarka dambe ee dhismaha aqalka Hooyooyinka ee degmada Xamarweyne,ka dib markii ay ku timid cillad dhinaca korontada ah.
Dadka deegaanka ayaa waxaa ay sheegeen inuu dabka ka bilaawday Koronto, isla markaana uu baabi’iyay guriga uu ka bilaawday sidoo kalena uu ku faafay guryo kale.
Dabkaasi ayaa geystay burbur hanta,balse ma jiraan wax khasaaro nafeed ah oo soo gaaray dadka ku dhaqan halkaasi.
Xaafada uu dabku ka kacay ayaa aheyd mid isku raran ah, waxaana jirtay in saacado badan uu qaatay in uu dabka ku faafo Guryo kale maadaama gaadiidka dam-demiska uu geli waayay goobta.
