Wefdigan oo uu hogaaminaayo dacwad oogaha guud ee qaranka Dr Axmed Cali Daahir oo ay kamid yihiin qareenadii dowladda Soomaaliya u xilsaartay dacwada ku saabsan muranka soohdinta badda oo u dhexeeyay Soomaaliya iyo Kenya ayaa gaaray dalka Holand oo ay ku taalo maxkamadda cadaaladda caalamka.
Mas’uuliyiintan ayaa maalinta beri ah waxaa ay maxkamadda cadaaladda caalamka oo ku taala magaalada Hogue ee dalka Netherland waxaa ay u gudbin doonaan dukumentiyada ka harsan dacawaddaasi iyo cadeymaha muujinaya in badda ay sheeganayso dowladda Kenya ay Soomaaliya leedahay.
Wariye C/laahi Taajirow oo ka tirsan warbaahinta qaranka oo dalka Holand ku sugan ayaa soo sheegaya in dadka Soomaaliyeed oo halkaasi ku sugan ay soo dhaweeyeen wefdiga dowladda Soomaaliya ka socoda oo halkaasi u tagay in ay gudbiyaan dukumentiyada dacwadan looga baahan yahay.
