Bukaannadaan oo tiro ahaan gaaraya ilaa 11 qof ayaa 24-kii saac ee ugu dambeeyey la gaarsiiyey isbitaalka guud ee magaalada Cadaado, kuwaas oo la aaminsanyahay inay ku sumoobeen raashin ay cuneen, waxayna dadkaasi ku noolaayeen deegaanka Qaradhi oo hoos yimaada magaalada Cadaado.
Maxamed Maxamuud Cali oo kamid ah howl-wadeennada isbitaalka Guud ee magaalada Cadaado oo warbaahinta Qaranka Soomaaliyeed la hadlay ayaa xaqiijiyay arintan musiibada ah.
“Dadkaan sadexdii waqti ee lasoo dhaafay ayaa la keenay isbitaalka Cadaado,waana dad ku sumoobay raashin ay cuneen, waxaana laga keenay deegaanka Qaradhi, dadka tiradoodu waa 11 qof, waxay isugu jiraan sadex carruur ah, qof dumar ah iyo todobo qof oo kale oo rag ah, dadkaas hal qoys kaliya ma ahan ee waa qoysas kala dudan, intooda badanna xaaladdoodu way wanaagsantahay”ayuu yiri Maxamuud Cali.
