Maamulka gobolka Banaadir ayaa sheegay in ciidanka amniga ay gacanta ku dhigeen dadkii lagu eedeeyay in ay ka dambeeyeen dilkii loo geystay Allah u naxariistee Axmed Mukhtaar Dowlo oo lagu gubay degmada Yaaqshiid ee gobolka Banaadir.
Qoraal lagu daabacay barta Facebook-ga maamulka gobolka ayaa lagu sheegay in maamulka degmada Yaaqshiid iyo booliiska ay ku guuleysteen in ay gacanta ku dhigeen sadex qof oo sida ay sheegeen ka dambeeyay dilka Axmed Dowlo.
Sidoo kale, waxaa intaa lagu daray in soo qabashada dadkan ay gacan ka geysteen shacabka degmada Yaaqshiid oo ah halka uu ka dhacay dilka.
