In kabadan 35 ruux oo naafo ah ayaa maanta magaalada Baydhabo lagu guddoonsiiyey qalab ay ku socodaan kaasi oo shaqsi Soomaaliyeed oo lagu magacaabo Maxamed Abshir oo qudhiisu naafo ah ka soo dhiibay dalka Mareykanka.
Dadkan naafada ah oo tiradoodi gaareyso ku dhawaad 40 ruux oo ku nool magalada Baydhabo ee xarunta gobolka Baay ayaa ah kuwo siyaabo kala duwan xubnohoodi muhiimka ah u waayaay halka qaarna ay yihiin naafo dabiici ah, kuwaasi oo ka kala yimid qaar ka mid ah degmooyinka hoosyimaada Gobolka Baay.
Ugu horeyn waxaa madasha qalabka lagu gudoonsiinaayey dadkan aan lixaaddooda dhameystirneyn ka hadlay qaar ka mid ah dadkii iyaga loo soo wakiishay qalabkan in ay gaarsiiyaan dadka naafada ah ee kunool Gobolka Baay
“Waxaa maanta halkaan aan ku qeybinaynaa qalabkan aad ujeedaan oo aan siinayno dadka naafada ah ee kunool magaalada baydhabo . waxaana qalabka naga soogaaray mid ka mid ah nafada Soomaaliyeed ee ku nool Dalka Dibadiisa” ayeey yirraahdeen qaar ka mid ah dadkaasi naafada ah
Gudoomiye ku xigeenka G/Bay dhinaca Samafalka Cumar Maxamed Xasan ayaa uga mahadceliyey Maxamed Abshir deeqdan manta uu soo gaarsiiyay naafada G/Bay
Aad ayaan ugu mahadnaqayaa Maxamed Abshir oo laftirkiisa ah curyaan Soomaaliyeed oo hadana ku nool dal qurba ah oo soo garay in uu caawiyo coryaamiinta Soomaaliyeed ee ku nool Dalka gudihiisa.
