In ka badan 50 ruux oo la ildaran cudurka Shuban biyoodka ayaa la dhigay isbitaalka guud ee magaalada Jowhar ee Xarunta gobolka Shabeelaha dhexe kuwaa oo laga keenay xaafadaha ay ka koobantahay Jowhar iyo deegaanno hoos yimaada gobolka Shabeelaha hoose saacadihii la soo dhaafay.
Wariyaha warbaahinta Qaranka ayaa soo sheegaya in cudurkaasi ay ugu geeriyoodeen laba caruur ah oo ka mid ahaa dadkii uu soo ritay cudurkaasi oo dilaaca xiliyada kuleelaha ah.
Gudoomiyaha Gobolka Sh/Dhexe Cali Guudlaawe oo la hadlay Warbaahinta aya sheegay in Maamulka Gobolka Sh/dhexe uu ku dadaalayo wax u qabashadaa Caruurta, iyadoo sidoo kale Gudoomiyaha uu sheegay in ay ka warqabayan oo ay koormeer joogto ah ku heyn doonaan Isbitalka Magaalada Jowhar.
Gudoomiyaha Gobolka Sh/dhexe mudane Cali Guudlaawe Xuseen ayaa ayaa sheegay in adeegyadii isbitaalka uu u qabanayay Shacabka Sh/dhexe uu gaabis yahay sababo la xiriita dawo yari,isagoona xusay in shalay ay Cisbitaalka gaarsiiyeen dawo horay ugu deeqday maamulkaasi Wasaarada Caafimaadka Dowlada Federaalka Soomaaliya.
Dhaqaatiirta Isbitaalka magaalada Jowhar ayaa dadaal ugu jirta sidii ay ula tacaali lahaayeen carruurta uu soo riday Shuban biyoodka iyo Bukaanada kale ee soo booqanaya.
