Deegaanka Bacaadweyne oo ka mida deegaannada Gobalka Mudug ee aan laheyn matooro biyood, isla markaana bulshada ku nool ay isticmaalaan Ceelal gacameedyada ayaa waxaa xilligaani ka taagan biyo yari aad weyn kaddib markii Ceelal gacameeedyadii ay biyaha ka isticmaali jireen uu kusoo rogmaday bacaad xabaalay inta badan ceelashii halkaasi ku yaalayΒ taasina waxay sababtay in sarakac uu ku yimaado qiimaha la kala siisto fuustada biyaha.
Guddoomiyaha deegaanka Bacaadweyne Axmed Daahir Macalin Cabdullaahi oo la hadlay Warbaahinta Qaranka ayaa sheegay in biyo la aantu ku yeelatay bulshada degaankaasi iyo deegaanada hostaga iyo sababaha loo aaneeynayo biyo yarida ka jirta deegaankaasi
“Dhibaato biyo la’aaneed ayaa jirta deegaankan, Ceel gacmeed ayaa la cabi jiray deegaanka iyo deegaananda ku xeeran, maalintii labo fuusto ka badan lagama helo ceelka biyo, waxaana codsaneynaa madaxda dowladda Federaalka ah ee Soomaalya ay wax ka qabtaan dhibaatada ka jirta deegaanka ee biyo la’aanta ugu horeyso” ayuu yiri Axmed Daahir.
Deegaanka Bacaadweyne ee ka tirsan Gobolka Mudug ayaa sidoo kale dadka degan heysanin adeegyadii aas aasiga u ah nolosha, sida waxbarahada, caafimaadka iyo kuwa kale.
