Wararka naga soo gaaraya deegaano ka tirsan gobolka Galgaduud ayaa sheegaya in Maleeshiyaadka Al-shabaab iyo dadka deegaanka Xiindheere dagaal uu dhex maray kaas oo dambeeyay markii Al-shabaab ay dadka deegaanka ku soo rogeen lacago tiro badan Ceelasha iyo Baraagaha laga cabo biyaha.
Deegaanada lagu dagaalamay ayaa waxaa ay dhacaan bariga gobolka Galgaduud.
Cabdi Cabdulle waxaa uu kamid yahay saraakiisha ciidanka dowladda Soomaaliya ee gobolka Galgaduud waxaa uu warbaahinta u sheegay in deegaanada Ceel-Qooxle, Ula-Jaraf iyo deegaano kale ay ku dagaalameen dadka shacabka ah iyo maleeshiyaadka Al-shabaab isagoo intaa ku daray in ay isku dayayaan in ay caawiyaan dadka deegaanadaasi oo cadowgu uu dhibaateynaayo.
Sidoo kale wararka ayaa intaa ku daraya in maleeshiyaadka Al-shabaab ay xirxireen 8 kamid ah odayaasha deegaanka Xiin-dheere kuwaas oo sida la sheegay ka dhaga adeegay awaamiirta Al-shabaab ku soo rogtay dadka deegaanka.
Maleeshiyada Al-shabaab ayaa lagu soo waramayaa in ay is hor istaag ku sameeyeen Booyadaha biyaha u dhaamin jirey dadka deegaanadaasi taasina ay qeyb ka tahay sababta keentay dagaalka.
