Adeegga Whatsapp ee la isugu diro farriimaha gaagaaban ayaa dadka isticmaalayaa gaareen 800 oo Million oo qof, kuwaas oo si joogto ah u adeegsada Whatsapp.
Arrintan waxaa ku dhawaaqay aasaasaha Whatsapp oo ah nin ka soo haajiray Ukrain oo lagu magacaabo Jan Koom.
Adeegga Whatsapp, Shantii sano ee la soo dhaafay waxaa adeegsaday in ka badan 450 Million oo qof,waxaana maalin kasta ku soo biira in ka badan hal milyan oo qof.
Whatsapp, waa adeeg farriimo gaagaaban oo ku shaqeeya Telefoonnada Smart phones-ka loo yaqaanno Sida iPhone, Android, Windows phone i.w.m.
Shirkadda Facebook, ayaa bishii February ee la soo dhaafay ku iibsatay Whatsapp lacag dhan 19 Billion oo Doollar.
Whatsapp waxa uu hadda soo kordhiyay adeeg ah in dadku ay iska wici karaan, halka uu markii hore ku koobnaa farriimo gaagaaban iyo codad la isu duubo.
Haddii aad haysatid telefoonnada ku shaqeeya nidaamka iOS waxaad Version cusub oo Whatsapp ah ka soo degsan kartaa applicationka u Apple Store, halkaas oo aad ka heli karto Update-ka cusub oo tirsigiisu yahay 2.12.1.
Dadka adeegsada telefoonnada ku shaqeeya nidaamka Android, mar hore ayayba heleen adeegga codka ee Whatsapp.
Marka aad degsato Versionka cusub ee Whatsapp,waxaa kuu soo muuqan doona calaamad muujineysa in aad wicitaan telefoon sameyn karto. Laakiin haddii aysan kuu soo muuqan calaamaddaasi, waxaad u baahan tahay in aad sugto , waayo shirkadda waxay sheegtay in adeegga wicitaanka uu si tartiib tartiib ah u dhammeystirmi doono toddobaadyo gudohood.
