Malaayiin ka mid ah shacabka Jaad ayaa maanta safaf ugu jira goobaha cod bixinta si ay u doortaan madaxweyne.
Madaxweynaha xilka haya, Idriss Deby, oo jagada u tartamaya markii 5-aad, isla markaana xilka hayay 25 sano, ayaa ka mid ah 14 musharrax oo u tartamaya madaxtinimada dalkaasi.
Ololaha doorashada oo dhammaaday oo maalin ka hor dhamaaday ayaa waxaa hareeyay dibadbaxyo iyo xarig loo geystay hogaamiyayaal ka tirsan bulshada rayidka ah, kuwaasi oo madaxweyne Deby ugu baaqayay inuu ka haro tartanka.
Afar ka mid ah hogaamiyayaasha bulshada rayidka ah, ayaa xabsiga la dhigay kuwaasi oo kiiskooda la qaadi doono 14-ka bishan April, waxaana loo haysto in ay waxyeeleeyeen kala dambeynta bulshada.
Musharraxiinta la tartameysa madaxweyne Deby ayaa waxaa ugu cadcad Saalax Kebzabo, oo jagadaasi u tartamaya markii 3-aad.
Wuxuu dhowr jeer xubin ka noqday golihii wasiiradda ee madaxweyne Deby sanadihii u dhexeeyay 1993 ilaa 2001.
