Kulankan oo ay soo qaban qaabiyeen maamulka degmada Xudur ee gobolka Bakool, ayaa waxaa looga hadlayay ka hortagga waxyaabaha maanka dooriya sida Qaadka oo kale, waxaana kulanka ka qeybgalay mas’uuliyiinta gobolka Bakool iyo kan degmada iyo qaar kamid ah bulshada ku dhaqan halkaasi.
Maalmahan dambe ayaa magaalada Xudur waxaa ku soo badanayay isticmaalka Qaadka kaas oo bulshada ku nool gobolka Bakool sida ay sheegeen dhibaato ku ah ammaanka iyo nolasha bulshada.
Kulanka ayaa intii uu socday waxaa ka qeybgaliyaasha ka doodeen dhibaatada Qaadka uu ku leeyahay nolasha dadka magaalada Xudur, guddoomiyaha degmada Xudur Maxamed Macalim Axmed, ayaa sheegay in ka maamul ahaan wax ka qaban doonaan waxyaabaha maanka dooriga oo uu kamid yahay Qaadka.
Magaalada Xudur ee xarunta gobolka Bakool ayaa waxaa maamulka ay horey ugu mamnuuceen isticmaalka Qaadka iyo waxyaabaha kale oo loo yaqaano daroogada, hase yeeshee mudooyinka dambe ayaa magaalada waxaa ku soo badanayay dadka isticmaala Qaadka iyo waxyaabaha kale oo dhibaato ku ah bulshada.
