Wararka naga soo gaaraya degaannada Daba galo iyo Dumaaye oo hoos taga Degmada Xarar dheere ee Gobolka Mudug, ayaa sheegaya inuu Saakay halkaasi ka billoowday dagaal xooggan oo Gacmaha laysula tagay, kaasi oo u dhexeeya Dadka degaannadaasi iyo Malleeshiyaadka Al-Shabaab.
Qaar ka mid ah Dadka degaannadaasi oo lasoo xiriiray Warbaahinta Qaranka Soomaaliyeed ayaa sheegay in ay dharbaaxo xooggan gaarsiiyeen Malleeshiyaadka Al-Shabaab,kana dileen xubno isugu jira dagaal yahanno iyo Saraakiil.
Dhinaca kale, waxaa haatan kusii wajahan goobaha ay dirirtu ka socoto Ciidamo ka tirsan maamul Goboleedka Galmudug, kuwaas oo kaabaya Dadka degaannadaasi ee dagaalka kula jira Ururka Al-shabaab.
